ORANJESTAD (AAN): Dia 17 di November proximo, Aruba Trade & Industry Association (ATIA) ta bay tin nan di 14 edicion di nan ‘Corporate Event 2023′.
Herrick Henriquez, Director di ATIA a duna di conoce cu e aña aki nan tin e tema “Now is the Future’.
Henriquez a duna di conoce cu mundo a cambia hopi cu e introduccion di Inteligencia Artificial na November 2022 cu e lansamento di ChatGPT. El a enfatisa cu mundo di ‘business’ a cambia completamente.
A haya un herment nobo, cu ta e asina yama AI (Artificial Intelligence) y na cuminsamento y toch ainda tin hende cu tin miedo di dje. Pesey ATIA kier trece esaki dilanti den un conferencia pa e comerciantenan wak esaki como un herment cu por uz’e pa destaca nan mes den mundo di negoshi, a splica.
Herrick Henriquez a laga sa cu ‘Now is the Future’ lo tuma lugar diabierna 17 di November na Marriott Ballroom. E evento aki ta uno pa ‘networking’ unda lo tin un charla cu un ‘keynote speaker’, Dr. Melis Senoba pa splica e tema aki di AI hunto cu un papel di tres otro invitado.
View the embedded image gallery online at:
https://diario.aw/categories/noticia/general/aruba-trade-industry-association-a-anuncia-e-di-14-edicion-di-nan-annual-corporate-event#sigProId6ed1ac2ca4
